Фото: Қостанай облысы ПД баспасөз қызметі
Күдікті 12 жылға, ал діни араздықты тудырғаны үшін жеті жылға дейін бас бостандығынан айырылуы мүмкін. Қостанай облысы ІІД экстремизмге қарсы күрес басқармасының қызметкерлері жедел іздестіру шаралары барысында 30 жастағы жергілікті тұрғынды анықтап, ұстады.
«Радикалды діни идеологияны ұстана отырып, ол өз ортасы мен әлеуметтік желілерде басқа діндердің азаматтарының төмендігін насихаттайтын және діни себептермен зорлық - зомбылыққа шақыратын материалдарды таратты», деді басқарма бастығының міндетін атқарушы Сәбит Ибраемов.
Аталған факті бойынша сотқа дейінгі тергеу амалдары басталып, қажетті тергеу әрекеттері жүргізіліп жатыр.
Күдікті уақытша ұстау изоляторына қамалды.
Қырмызы ЖҰМАҒАЛИҚЫЗЫ,
ЕҰУ студенті
