Жемқорлық • 16 Маусым, 2024

20 мың доллар мен миллион теңге: Шымкентте зауыт директоры жедел топқа пара ұсынған

281 рет
көрсетілді
1 мин
оқу үшін

Шымкенттегі кәсіпорында заңбұзушылықтар анықталғаннан кейін спирт зауытының басшысы құқық қызметкерлеріне пара ұсынған. Ол ұсталды, - деп хабарлайды Egemen.kz.

20 мың доллар мен миллион теңге: Шымкентте зауыт директоры жедел топқа пара ұсынған

Otyrar.kz жазғандай, Шымкентте Экономикалық тергеу департаментінің қызметкерлері жалған алкоголь өнімін өндіріп, сататын астыртын цехты әшкерелеген. Олар жергілікті зауытта өндірілген алкогольді шикізат ретінде пайдаланған.

Оқиға орнына барған жедел топ өрескел заңбұзушылықтарды анықтағанымен, зауыт қожайыны істі жабу үшін қызметкерлерге 20 мың доллар және тағы миллион теңге пара ұсынған. Нәтижесінде астыртын цехты ұйымдастырушылар заңсыз кәсіпкерлікпен айналысты, ал спирт зауытының директоры ірі көлемде пара берді деп айыпталып отыр.

- Соталды тергеу барысында Шымкент тұрғындары жалған алкоголь өнімін одан әрі өндіру үшін зауыттан алкоголь сатып алғаны анықталды. Осыған байланысты тергеу органы спирт зауытының қызметіне тексеру жүргізді, оның барысында есепке алынбаған спирт өндіру бойынша заңсыз кәсіпкерлік қызметті жүзеге асыру дерегі анықталды. Сонымен қатар, мереке және демалыс күндері есепке алынбаған спиртті заңсыз жөнелтудің мән-жайы анықталды, бұл "этил спиртін сақтау және өткізу ережесін" бұзуға әкеп соқтырды, - деді Шымкент прокуратурасының бірінші бөлімі бастығының орынбасары Бауыржан Карманов.