Жемқорлық • 19 Маусым, 2024

Шалқар ауданында шенеунік 18,5 млн теңге пара алған

73 рет
көрсетілді
1 мин
оқу үшін

Ақтөбе облысы бойынша Сыбайлас жемқорлыққа қарсы қызмет Шалқар ауданындағы білім бөлімінің басшысына қатысты қылмыстық іс қозғалғанын хабарлады, деп жазады Egemen.kz.

Шалқар ауданында шенеунік 18,5 млн теңге пара алған

Фото: kaz.orda.kz

Ол аудандық жалпы білім беретін орта мектептің директоры арқылы қызмет бойынша жалпы қамқорлығы үшін ведомстволық бағынысты ұйымдардың басшыларынан жалпы сомасы 18,5 млн теңге пара алды деген күдікке ілінді.

«Соттың санкциясымен білім бөлімінің басшысы мен аудандық мектеп директоры қамауға алынды. Қылмыстық-процестік кодекстің 201-бабына сәйкес өзге ақпарат жария етуге жатпайды», делінген Антикор хабарламасында.

Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.