Таным • 29 Маусым, 2024

Ғалам ғажаптары: Қарт қаламгер

135 рет
көрсетілді
2 мин
оқу үшін

Уолтер Бингам мамандығын ерекше сүйетіні сонша, жасы 100-ге келсе де әлі еңбектеніп жүр.

Ғалам ғажаптары: Қарт қаламгер

Ол әлемдегі ең қарт журналист атан­ған. Израильде тұрады. Уолтер Екінші дүниежүзілік соғыстың басы-қасында жүрген, Холокост азабын көрген. Жасы мен денсаулығына қарамастан ол еврей еліндегі Ұлттық радиода апталық хабар жүргізеді. Уолтер дүние жүзіндегі ең қарт журналист және ең ежелгі радиошоу жүргізушісі ретінде Гиннестің рекордтар кітабына 2 рет енген. «Қол қусырып отырмаймын. Бір істі аяқтаған бетте бірден екіншісіне кірісемін. Әлі күнге дейін 2 радиостансада 2 түрлі подкаст жүргіземін. Өз студиям бар. Бұдан бөлек газет-журналдарға үнемі мақала жазамын», дейді ол.

 

Тоғыз жастағы тәуелсіз тілші

апр

Лама Әбу Жамустың жасы то­ғыз­да. Ол оқиға орнынан, тіпті қақ­тығыс алаңынан хабар таратады.

Әлемдегі ең жас журналист Газа секторында тұрады. Израиль әскері мен ХАМАС арасындағы қақтығыс бас­тал­ғанда оның отбасы Газа қаласынан Ра­фахтағы бос­қындар лагеріне көшкен. Ол қазір Газа секторындағы жағдай мен палес­ти­налықтардың ауыр тұрмысын күнде жа­риялайды. Инстаграмына жазылған адамдар саны – 900 мыңға жуық. Сырттан қа­рағанда, тәуелсіз журналист дерсің. «Мен жур­налистиканы жақсы көремін. Маған камераға қарап сөйлеген, адамдармен тілдескен ұнайды. Тезірек бейбітшілік орнаса екен! Үйіміз бен мектебімізге оралып, алаңсыз ойнағымыз келеді», дейді ол.

 

Әлемде қанша журналист бар?

вап

Журналист қоғаммен тыныстайды. Халық пен ақпараттың алтын көпіріне айналғандар саны кім-кімге де қызық шығар.

Негізі белгілі бір дүниенің нақты санын айту қиын іс. Десе де зерттеушілер жобалап көріпті. «Журналистердің ха­лықаралық федерациясында» қызық ақ­парат бар екен. Дүние жүзінің 146 елінде 600 мыңнан астам медиа қызметкері жұ­мыс істейді. Кейбір дерек бойынша, олардың 57 пайызы – ер адамдар. Әлемдегі журналистердің 50 пайызы газет-журналда, 23 пайызы телеарнада, 17 пайызы радиода және 16 пайызы онлайн салада екен.