Спорт • 03 Шілде, 2024

Елордада конкурдан ашық қалалық турнир өтеді

50 рет
көрсетілді
1 мин
оқу үшін

Астана күніне орай 7 шілдеде елордада конкурдан ашық қалалық турнир өтеді, деп хабарлайды Egemen.kz қалалық әкімдіктің ресми сайтына сілтеме жасап.

Елордада конкурдан ашық қалалық турнир өтеді

Фото: Астана әкімдігі

Ең мықты жылқылар мен шабандоздар әртүрлі биіктіктегі 7 маршрутта өз шеберліктерін көрсетеді. Жарыс сағат 10:00-де «Арғымақ» ат-спорттық сауықтыру кешенінде басталады.

Турнирдің жалпы жүлде қоры – 12 миллион теңге. Жарыстарда ең үздік шабандоздар анықталады. Көрермендер үшін кіру тегін.

Іс-шара елорда әкімдігінің қолдауымен өтеді және оны Астананың ұлттық және олимпиадалық ат спорты түрлері федерациясы ұйымдастырады.