Фото: gov.kz
«Әлемде бірдей ойындарды немесе заттарды әртүрлі тілдерде әртүрлі атаулармен кездестіруге болатын жағдайлар бар. Мысалы, ағылшындар «футбол», италияндықтар «кальчо», америкалықтар «соккер» деп атайды. Егер біз зияткерлік ойындардың бірі шахматты алсақ, оны кейбір елдерде оны «шатран», тағы бірі «чесс», енді бірі «шахмат» деп атайды», деді Т. Дүйсенова.
Вице-премьер А. Красновтың, Н.Пантусовтың, Б. Куфтиннің, Р. Каруцтың, М. Балакаевтың, А. Ақшораевтың, С. Аманжоловтың, С.Тілеубаевтың және басқа да көптеген ғалымдардың, сондай-ақ М. Әуезовтің еңбектерінде бұл ойын «Тоғызқұмалақ» деп аталатынын еске салды.
− «Тоғызқұмалақ» ойынының атауын өзгерту федерацияның да, басқа ұйымдардың да құзырына кірмейді. Жоғарыда айтылғандарды ескере отырып, мың жылдық тарихы бар халықтың мәдени мұрасы саналатын «Тоғызқұмалақ» ойынының атауы сол күйінде қалғаны дұрыс деп есептейміз, – деп нақтылады Тамара Дүйсенова.
Еске салайық, бұған дейін Мәжіліс депутаты Гүлдара Нұрымова «Тоғызқұмалақ» ойынының атауын «Тоғызат» деп өзгертуді ұсынған болатын.
