Фото: Turizm jane sport ministrligi
Жолдама иегері атанған отандасымыз Севда Алиева 10 метрлік P2 пневматикалық тапаншамен ату дисциплинасында өнер көрсетті.
Айта кетейік, бұл пара оқ атудан Қазақстанның екінші лицензиясы. Бұдан бұрын аталған спорт түрінен алғашқы лицензияны Еркін Ғаббасов әлем кубогінде пневматикалық мылтықпен атудан R1 дисциплинасында жеңіп алған еді.
Паралимпиада ойындары бойынша қазіргі уақытта Қазақстанда – спорттың 8 түрінен 21 лицензия бар: пара пауэрлифтинг (5), пара жеңіл атлетика (3), пара жүзу (4), волейболды отырып ойнау (1), пара үстел теннисі (1), пара таеквондо (3), пара каноэ (2), пара оқ ату (2).
Еске салайық, XVII жазғы Париж-2024 Паралимпиада ойындары тамыздың 28-і мен қыркүйектің 8-і аралығында өтеді, 23 спорт түрінен 549 медаль жиынтығы сарапқа салынады.
