Фото: Видеодан алынған кадр
Пышақ жарақатын алған 2000 жылы туған әйел 13 шілде күні сағат 22:40 шамасында Маңғыстау облыстық көпсалалы ауруханасына жеткізіліп, оған бірнеше ота жасалған.
«Зардап шегушінің диафрагмасы мен бауыры, құрсақ қабырғасы мен кеуде қуысы зақымдалған. Сондай-ақ әйел қолы мен аяғынан да пышақ жарақаттарын алған. Жүктілік мерзімі - 10 апта. Науқастың жағдайы қазір тұрақты. Ол жансақтау бөлімінде жатыр», деді аурухананың баспасөз хатшысы Жұлдыз Қалиева.
Маңғыстау облыстық ІІД баспасөз қызметі хабарлағандай, күдікті ұсталып, уақытша ұстау изоляторына қамалды.
Кісі өлтіруге оқталу дерегі бойынша қылмыстық іс қозғалған.
