Ветеринарлар көлік жаңартты

«Ветеринарлардың жұ­мысы аймақтың азық-түлік қауіпсіздігін қамтамасыз етуде маңызды рөл атқарады. Ветеринар мамандарға ауыл ша­руашылығы өнімдерінің та­залығы үшін үлкен жа­уапкершілік жүктелген. Об­лыста ветеринарлық медицина саласына көп көңіл бөлінеді. Атап айтсақ, штаты

1 071 қызметкері бар облыстық ветеринарлық станса құрылды, жұқпалы ауру­ларға қарсы вакцинация және серологиялық зерт­теулер жүргізілуде. Жа­нуарлар мен адамның жұқ­палы ауруларының алдын алу үшін өңірде 1 500-ге жуық ветеринарлық қызметкер бірлесіп жұмыс істейді. Жыл басынан бері облыста жануарлар мен құстардың 16 түрлі аса қауіпті ауруына қарсы ветеринарлық-профилактикалық іс-шаралар 89 пайызға орындалды. Биыл эпизоотияға қарсы іс-шара­ларға жұмсалатын шығындар

4 миллиард 997 миллион теңгені құрайды, бұл өткен жылмен салыстырғанда 26 пайызға артық», деп атап өтті облыс әкімінің орынбасары Алмас Батанов.

Биыл эпизоотияға қар­сы іс-шараларға 5 млрд тең­ге жұмсалады. Жылдан-жылға ветеринарлық-сани­тар­лық объектілерді салуға ақ­шалай қаражат ұл­ғаюда. Ветеринарлық маман­дарға жалақыны көтеру үшін қо­сымша қаражат бөлі­ніп, жалақы 20 пайызға көбейді. Жалақыны кө­те­ру есебінен шалғай ауылдарда ветеринарлық маман­дарды жұмысқа орналасты­ру, олардың тұрғын үй жағ­дайларын жақсарту, еңбек өнім­ділігін арттыру көзделген.

Кәсіби мерекеге орай Бал­қаш ауданы Құй­ған ауыл­дық округі вете­ри­на­р­лық пунктінің меңге­рушісі, 38 жыл жұмыс өтілі бар Айгүл Дүй­сенбекова Премьер-министрден Алғысхат алды.

«Бүгін біз алғаш рет кәсіби мерекемізді атап өтудеміз. Бұл ветеринарлардың мәртебесін көтерумен қатар еңбекке қы­зығушылығын арттырары анық», деді марапат иесі Айгүл Дүйсенбекова.

Алматы облысы