АҚШ-тың Пенсильвания штаты мен Ресейдің Карелия республикасында табылған осындай тастарды туристер тамашалау үшін қолайлы жағдай жасалған.
Тілшіміз Қуат Қиықбай Жидебайдағы тастарға қызығушылар көп болғанмен табан тіреп көруге жағдай жасалмағанына назар аударады.
Ал қоңырау үні естілетін тастардың сырын Абай Құнанбайұлының Жидебайдағы музей-үйі меңгерушісі Айқын Ақболатов былайша болжайды:
«Бұл тастар Жидебайдан қырық шақырым шамасында Жиренше қыстауының маңында жатыр. Жиренше «Абай жолы» роман эпопеясында айтылатын ақынның жақын досы, жан серігі болған адам. Елді мекеннің арғы бетінде тау-тасты аймақ болғанымен, дәл осы екі тасты ұрсаңыз сыңғырлаған қоңыраудың үнін шығарады. Біздің жобалауымызша, аталған тастардың құрамында металл көп болғандықтан болар деп ойлаймыз. Бақ дарып, кие қонған Шыңғыстау өлкесінің бұл да бір шешілмеген құпиясы», деді Айқын Берікболұлы.
Автор тасты ұрғанда естілетін сыңғырлаған үннің ғылыми негізін «Сыңғырлаған тастар сыры» мақаласында тарқатып жазған.
