Әрине, оған еш таңдануға болмайды. Өзінің атақ-даңқы жағынан жер-жаһанда Фелпске теңесетін ешбір адам жоқ. 39 жастағы Балтимордың жұлдызы Олимпия ойындарында 23 алтын, 3 күміс және 2 қола медальды олжалады. Барлығы – 28 жүлде! Әлем чемпионатында 33 рет (26 алтын, 6 күміс, 1 қола) жеңіс тұғырына көтерілді. Бұл табысының барлығына ол 2001-2016 жылдары қол жеткізді.Екінші орынды Серена Уильямс иеленді. «Үлкен дулыға» санатындағы турнирлерде 23 рет топ жарған 42 жастағы америкалық теннисшінің төрт дүркін Олимпиада чемпионы деген атағы тағы бар. Үздік үштікті атағы жер жарған футболшы, Аргентинаның шоқ жұлдызы Лионель Месси түйіндеп тұр. Сондай-ақ ТОП-ондыққа ЛеБрон Джеймс (АҚШ, баскетбол), Том Брэйди (АҚШ, америкалық футбол), Роджер Федерер (Швейцария, теннис), Симона Байлз (АҚШ, көркем гимнастика), Тайгер Вудс (АҚШ, гольф), Усэйн Болт (Ямайка, жеңіл атлетика) және Кобе Брайант (АҚШ, баскетбол) сынды саңлақтар еніп отыр.
Өкінішке қарай, ТОП-100 спортшының қатарынан Қазақстанның бірде-бір өкілін кезіктіре алмадық.
