Фото:Polisia.kz
Айта кетерлігі, Павлодар қаласының жолдарында қауіпсіздікті арттыру мақсатында бұзушылықтарды автоматты түрде тіркеу үшін интеллектуалды басқару жүйелері белсенді түрде қолданылады.
– Мысалы, Audi көлігінің жүргізушісі ЖБО камерасына 11 рет түсіп қалған. Тәртіп бұзушы жылдамдықты шектен асырғаны үшін әкімшілік жауапкершілікке тартылды. Енді бұл жүргізуші 300 мың теңге айыппұл төлеуі керек, – деді Павлодар қаласы ПБ жедел басқару орталығының басшысы Ренат Шамгунов.
Сонымен қатар жыл басынан бері облыс жолдарында 30 мыңға жуық жылдамдықты асыру фактісі тіркеліп, тоқтатылған. Өңірлік билік құқық бұзушылықтар санын азайту және жол қозғалысы қауіпсіздігін жақсарту үшін жаңа технологияларды енгізу және қолданыстағы жүйелерді жетілдіру жұмыстарын жалғастырып жатыр.
