Фото: gov.kz
Қазіргі уақытта қалада 100 мыңға жуық оқушыға (екі ауысымды) арналған 30-дан астам мектептің құрылысы жүріп жатыр. Жаңа оқу жылы ішінде 23 мектеп салынады.
«Қаланы аралау барысында алдағы оқу жылының басында ашылатын мектептердің құрылысымен таныстым. 8 жайлы мектеп мына мекенжайларда орналасқан: Сарыарқа ауданы, Ұлытау мен Наурыз көшелерінің қиылысында және Бейбарыс Сұлтан көшесінде;
- Нұра ауданы, Төле би көшесі мен 24 көшенің қиылысында;
- Есіл ауданы, Қабанбай батыр даңғылы мен Сығанақ көшесінің қиылысында;
- Нұра ауданы, Төле би, 31 көшелерінде, Мәңгілік ел даңғылы мен Е-497 көшесінің қиылысында, Орынбор мен №37 көшелерінің қиылысында;
- Алматы ауданы, А.Байтұрсынұлы көшесінде», деп жазды Астана қаласының әкімі.
Сондай-ақ, оқу жылының басында жоғарыда аталған оқу орындарынан бөлек 3 мемлекеттік және бір жеке мектеп ашу жоспарланған. Ал жыл соңына дейін тағы 7 жайлы мектеп, 2 мемлекеттік мектеп және 2 жекеменшік мектеп ашу көзделген.
