Фото: gov.kz
Тексеру нәтижесінде ғимараттың физикалық тозуы 54,4 пайыз болып бағаланды.
Астана қаласы Білім басқармасы осы мектептің оқушылары жаңа оқу жылында жақын маңдағы Қарасай батыр көшесі, 10 мекенжайында орналасқан № 36 мектепте оқитынын хабарлады. Бұл мектеп 2023 жылдың желтоқсанында пайдалануға берілген. Мектеп екі ауысымда 2400 оқушыға арналған.
«№ 36 мектеп әкімшілігімен сыныптарды орналастыру, оқу кабинеттерін бөлу бойынша барлық ұйымдастыру мәселелері шешілді, балаларды қабылдау кезінде мектеп ғимаратына кіру және оқушылардың тамақтануын ұйымдастыру мәселесі анықталды», делінген әкімдік хабарламасында.
Ал №25 орта мектептің аумағында оқу процесін ұйымдастырудың барлық заманауи талаптары ескерілетін жаңа мектеп салынады. Бүгінгі таңда жаңа мектепті жобалау және жобаны жергілікті жерге байланыстыру жұмыстары басталған.
