Түркиядағы Қазақстан азаматтары сайлауға бір кісідей қатысты

Қазақстан Республикасының Түр­кия­дағы елшілігі Ыстамбұлдағы Бас кон­сулдығы мен Анталиядағы Консул­ды­ғын­да кезектен тыс президент сайлауын өткізу үшін сайлау учаскелері құрылған болатын. Сайлауға дайындық кезін­де Түркия­дағы Қазақстан Респуб­ли­касының азаматтары арасында елшілік тарапынан ауқымды жұ­мыстар атқарылды. Атап айтқанда, қазақстандық дипло­матиялық миссия қызметкерлері Түр­кияда оқып жүрген қазақстандық студенттер және елде уақытша тіркелген қазақстандық азаматтармен сайлау туралы ақпарат беру мақсатымен кездесулер өткізген болатын. Елшіліктің интернет парақшасы мен әлеуметтік желілерінде Қазақстанның Түркиядағы дипломатиялық миссияларында құрылған сайлау учаскелері туралы тиісті ақпарат орын алған. «Анкарадағы сайлау учаскеміз сайлаушыларды қабылдауға дайын және сайлау заңнамасының тиісті нормативтік актілерге сәйкес қажетті инфрақұрылым мен сайлау материалдарымен жабдықталған. Алғашқы сайлау­шылар учаскемізде жер­гілікті уақытпен таңғы сағат 7.30-да ­дауыс берді», деп мәлімдеді №236 сайлау учас­кесінің сайлау комиссиясының төр­ағасы, елшіліктің кеңесші-уәкілі Әлімхан Есенгелдиев. Анкара, Ыстамбұл және Анталия қалаларында сайлау 26 сәуірде Анкара уақытымен сағат 07.00-20.00 аралығында өткізілді.