![151 грант: Қазақстан азаматтары Қытайда тегін білім алады](/media/2024/08/27/crop-6_4_731x1105_20170112032358339.jpg)
Фото: bangkokbook.ru
2024-2025 академиялық оқу жылына арналған үкіметаралық гранттар шеңберінде Қытайдың жетекші жоғары оқу орындарында оқуға арналған білім алушылардың соңғы тізімі жарияланды.
151 үміткерге стипендия тағайындау туралы шешімді Қытай Халық Республикасы қабылдады.
Грант академиялық оқу, жатақханада тұру, медициналық сақтандыру шығындарын өтейді, сонымен қатар студенттерге ай сайын стипендия төленеді. Оқу ағылшын немесе қытай тілінде өтеді.
Ұсынылған үміткерлер тізімімен «Халықаралық бағдарламалар орталығы» АҚ bolashak.gov.kz сайтында танысуға болады.
«Егер сіз оқуға арналған стипендиаттар тізімінде болсаңыз, онда 60 күнтізбелік күн ішінде оқуға шарт жасасу үшін «Халықаралық бағдарламалар орталығы» АҚ-ға жүгінуіңіз қажет. Шарт жасасу бойынша егжей-тегжейлі кеңес алу үшін нормативтік құқықтық және шарттық қамтамасыз ету басқармасына 8-7172-76 90 79 (ішкі.170,181) хабарласа аласыз», делінген министрлік хабарламасында.