Бұл электораттық науқанға «5» деген баға беруге болады

WEB-баспагер Жәнібек СҮЛЕЕВПЕН шағын әңгіме – Қазақстан Президентін таңдап дауыс берудің өту барысы жайынан хабардар болып отырған шығарсыз? – Әрине. Көңіл аударатын бір жайт, сайлауға дайындық қандай екпінмен жүрсе, дауыс беру де сондай деңгейде өтті. Дайындық барысында ешқандай да «қара PR»-ға жол берілмеді. Мұның өзі, ең біріншіден, электорат мәдениетінің бұрынғы кезеңмен салыстырғанда, едәуір өскенін байқатады. Бірқатар басылымдарда айттым да. – Байқаушылар белсенділігі қандай болды? – Таңертеңнен бері Алмалы мен Бостандық аудандарындағы бірнеше сайлау учаскесіне өзім үшін бас сұқтым, байқағаным, бәрі де ойлағандай, дауыс беру мен күткендей дәрежеде өтіп жатты. Келушілер саны тұрақты. Үзіліс жоқ. Байқағаным, байқаушылар тарапынан да әлдеқандай ескертулер айтылмады. Меніңше байқаушылардың Қазақстандағы мұндай қалыпты дауыс беру тәжірибесінен болашақта үйренері көп болатыны даусыз. – Бұл сайлаудың елімізде өткен бұған дейінгі сайлаулардан басты айырмашылығы неде деп ойлайсыз? – Өте жақсы сауал... Бұл сайлаудың ең басты ерекшелігі, тіпті, артықшылығы – мұнда осы заманғы технологиялар молынан пайдаланылды. Мен мұны бөле-жара айтар едім. Кәдеге асқан интернет қуатында шек болмады. Әңгімелескен Талғат СҮЙІНБАЙ, «Егемен Қазақстан». АЛМАТЫ.