Паницкийлер пайымы

Былтыр елімізде өткен жалпы­халықтық «Ме­рейлі отбасы» бай­қауы­ның Шығыс Қазақстан облысы бойынша жеңімпазы және респуб­ликалық кезеңінің қатысушылары атанған Паницкийлер отбасы да прези­денттік сайлауда өз таңдаула­рын жасады. Андрей мен Динара Паницкийлер үшін Қазақ­стан Республикасы Президентін сайлау күні отбасы­лық мереке іспетті болды. Олар ертеңгілік өздері тұра­тын Курчатов қаласының №294 сайлау учаскесінде ­дауыс берді. – Мен төрт баланың анасы­мын. Шүкір, жанымда жақсы көретін жарым мен балаларым, тұрақты жұмысым мен еңбекақым бар. Күйеуімнің ұлты – орыс, өзім қазақпын. Алайда, біз үшін ұлттық ерекшеліктеріміз кедергі болған емес. Өйткені, біз – қазақстандықпыз! Біз отбасылық мерекелерімізде ұлтымыздың дәстүрі мен салтын құрметтеп, балаларымызға үйретіп отырамыз. Сондықтан, бүгінгі қол жеткізген табыстарымыз қоғамымыздағы достық, бейбітшілік пен келісімсіз жүзеге аспаған болар еді деп ойлаймын. Күйеуімді әулетіміздің басшысы ретінде сыйлаймын. Өзім шексіз жақсы көретін балаларымның келешегіне үлкен үміт артамын. Еліміздің қазіргі жан-жақты жүргізіп отырған саясаты біздің болашаққа деген берік сенімімізді қалыптастырды. Сол себепті отбасымызбен сайлау учаскесіне келіп, өз таңдауымызды жасадық, – деді Динара. Ал Андрей сайлау учаскесіне сайлаушылар­дың мол жиналғанын, олардың арасында көршілері, ­таныс­тары, достары мен бірге жұмыс істейтін әріптестері бар екенін жеткізді. – Менің ойымша, курчатовтық тұрғындар күллі қазақстандықтар сияқты сайлауға белсенді түрде қатысты. Еліміз үшін әр дауыс маңызды. Біз де еліміздің, бала­лары­мыздың болашағын таңдау жолында дауыс бердік, – деді ол. Думан АНАШ, «Егемен Қазақстан». Шығыс Қазақстан облысы, Курчатов қаласы.