Қоғам • 05 Қыркүйек, 2024

Даяшының қызметіне төленетін 10% қосымша ақыға заңмен тыйым салынады

191 рет

көрсетілді

1 мин

оқу үшін

Елімізде мейрамханаға келген қонақтардан тапсырыс берілген тағам құнынан бөлек, даяшының қызметі үшін 10 пайыздық қосымша ақы алуға енді заң жүзінде тыйым салынады. Сауда және интеграция министрі Арман Шаққалиевтың айтуынша қазан айында ішкі сауда ережесіне өзгеріс енгізу жоспарланып отыр.

Баян СҮЛЕЙМЕНҚЫЗЫ

Даяшының қызметіне төленетін 10% қосымша ақыға заңмен тыйым салынады

фото ашық дереккөз

Сенаттың жалпы отырысынан кейінгі баспасөз мәслихатында тілшілердің сауалына жауап берген министр осы ережелерді пысықтап жатқандарын айтты.

«Бұл мәселе қоғамда көптен талқыланып келеді. Қазір дәмханаларда осы ақыны чекке қосып жазып беретін болған. Сауда ережесіне өзгеріс енгізілгеннен кейін бұл алым заңсыз болып саналады. Мейрамхана қызметін алушылар бір қызметке екі рет ақы төлеуге міндетті емес, деді министр.