Қарағандыда ұлттық киім үлгілері дәріптелді

ҚАРАҒАНДЫ. 27 сәуір. Қарағандыда асыл құндылықтарымызды насихаттау мақсатында ұлттық киімдеріміз дәріптелді. Бұл туралы egemen.kz тілшісі хабарлады. Аталған игі істің бастамашысы – Бөкетов атындағы Қарағанды мемлекеттік университетінің қолданбалы-көркемсурет факультеті. Жұмыс орнына ұлттық нақыштағы шапан мен бөрік киіп келген факультет деканы Сәбит Мағауинді қостаушылар көп болды. Оқытушы Салтанат Салқымбаеваның өзі тіккен қамзолы үстіне жарасып, әріптестерін қызықтырды. Сонымен қатар, бірнеше қыз пен жігіттер де ұлттық киімдерімен көз сүйсіндірді. Факультет оқытушылары мен студентері халықтық салт-дәстүрді дәріптеуге бағытталған осындай шараны дәстүрге айналдыруды көздейді. Айқын Несіпбай. Дерек: egemen.kz. Сурет: liveinternet.ru.