Фото: Видеоскрин. Телеграм Polizia.kz.
Polizia.kz-тің мәліметінше облыстық полиция департаментінің ұйымдасқан қылмысқа қарсы күрес басқармасының қызметкерлері Сарыағаш ауданында үйінің ауласында арыстан және жабайы құстар асыраған тұрғынды анықтаған. Жедел уәкілдер оның үйіне тексеру жүргізіп, ауласынан 1 арыстан және 2 бүркіт пен сұңқар, 2 үкі, 2 кекілік құстарын тәркілеген. Ер адам жабайы жануарларды өз қажеттілігі үшін асырағанын айтқан.
Арыстан мен құстар Шымкент қаласы зообағына орналастырылды.
Қазіргі уақытта тергеу жүргізіліп, оқиғаның барлық мән-жайы анықталып жатыр.
