![Республикалық маңызы бар жолдарда жарнама ілуге тыйым салынуы мүмкін](/media/2024/09/12/crop-4_0_451x792_800x451.webp)
Фото: freepik
Бүгін Экономикалық реформа және өңірлік даму комитетінің төрағасы Нұртай Сабильяновтың жетекшілігімен заң жобасының таныстырылымы өтті.
Ұлттық экономика вице-министрі Бауыржан Омарбеков Үкіметтің заң жобасы Астана мен республикалық маңызы бар қалалардың әлеуметтік-экономикалық дамуындағы мәселелерді шешуге бағытталғанын атап өтті. Оның аясында Жер кодексіне және оған қатысты алты заңға өзгертулер енгізіледі.
Заң жобасына келесі ережелер енгізіледі:
- Жасыл аймақта ландшафттардың табиғи көрінісіне теріс әсер ететін қызметке тыйым салу;
- Қолжетімді ортаны қамтамасыз ету;
- Қалалардың сыртқы келбеті және қоғамдық орындарда жарнаманың жекелеген түрлеріне шектеулер белгілеу;
- Астанадағы көші-қонды реттеу;
- Тұрғын үй құрылысына үлестік қатысу саласындағы қызметке қойылатын талаптарды күшейту;
- Айыппұлды тұрақтардың қызметін реттеу және т,б.
Айта кетейік, заң жобасын талқылау жұмыс тобында жалғасады. Оған Мәжіліс депутаты Болатбек Нәжметдинұлы жетекшілік етеді.