Сурет: gov.kz
Кездесудің басты мақсаты – еліміздегі басымдыққа ие инфрақұрылымдық және әлеуметтік жобаларды қаржыландыру.
Іс-шараға Премьер-министрдің орынбасары – Ұлттық экономика министрі Нұрлан Байбазаров, Ислам даму банкі тобының президенті Мұхаммед Сүлейман Әл-Джассер, Араб инвестициялық қорлары мен еліміздің мемлекеттік органдары әрі квазимемлекеттік компания басшылары қатысты.
Кеңесті қорытындылай келе тараптар ОПЕК қорымен жеке сектордағы операциялар туралы негіздемелік мәмілеге келді. Келісім бойынша ел экономикасына ұзақмерзімді тікелей инвестиция құйылады. Бастапқы кезеңде ол 7 млрд долларды құрауы мүмкін.
Болашақта қаржыландыру көлемін ұлғайту да жоспарланды. Делегация өкілдері еліміздің әлеуметтік-экономикалық және инфрақұрылымдық даму жөніндегі күш-жігеріне жоғары баға берді. Нұрлан Байбазаров келген қонақтарға еліміздің инвестициялық мүмкіндігіне қызығушылық танытқаны үшін алғыс білдірді.
