Фото: Астана қаласы әкімдігі
Қала әкімдігінің хабарлауынша, 8 мектеп Мемлекет басшысының «Жайлы мектеп» ұлттық жобасы аясында, қалған біреуі жеке мектеп болмақ.
Жеңіс Қасымбектің айтуынша, аталған 9 мектеп екі ауысымда тағы 30 мыңнан астам оқушы орнын ашуға мүмкіндік береді.
«Есіл ауданында 4 мектеп, Нұра ауданында 3 мектеп, Алматы ауданында 2 мектеп ашылады. Қаланы аралау барысында бірқатар оқу орнының құрылысымен таныстым. Бұл мектептердің арқасында үш ауысымды 4 мектептің және тығыздалығы жоғары 3 мектептің қиындығы шешіледі», деді қала әкімі.
Айта кетейік, қала әкімі 2025 жылы тағы 20-дан астам мектеп салынып, пайдалануға берілетінін тілге тиек етті.
