Аса құрметті Нұрсұлтан Ата!

Сізді барша қазақстандық ба­ла­лардың атынан сайлаудағы жең­і­­сі­ңізбен шын жүректен құт­тық­тап, деніңізге саулық, отба­сыңызға аман­дық, еліңізге табыстар тілей­мін! Шуақты ғұмырыңызды, Алтын тақ – тұғырыңызды, Алла көп көрмесін. Еліңіздің бағы үшін жасай беріңіз! Сүйінші Бүгін той, бүгін думан қазағыма, Жүзін тосып сан тарих азабына. Тәуелсіздік таңына жеткен елдің, Нұр толып, шуақ кірді ажарына.   Нұрсұлтаны қайтадан таққа мініп, Ақ түйенің қарыны ақтарылып. Жатыр бүгін ұлтымның бағы тасып, Әр жүректе лаулайды жаққан үміт. Періште – тілек жазып, шын тіледім, Тәңірге жеткен екен бұл тілегім. Нұр-Атам жеңіп шықты нұрлы жолың, Қуанып жатыр бүгін жұртың-елің.   Өр рухымен қорғасын баба Жамбыл, Шашуын жырдан шашсын бала Жамбыл. Адастырмас аспанда айдай болсын, Нұрлы жолың Нұр-Атам сара-даңғыл. Бұл менің жыр шашуым алып жеткен, Қазақ шіркін қағылез халық неткен. Нұрсұлтанын қайтадан хан көтеріп, Болашағын күмәнсіз, жарық еткен. Жағынуды білмеймін, жасқануды, Білем бірақ шын биік, асқарымды. Нұр-Атама арнаймын әлі талай, Өлең-жырмен өрілген дастанымды. Бүгін – той, бүгін – думан, жиылсын ел, Көркем далам, көк көйлек киінсін жер. Нұр-Атам жеңіп шықты, жеңіс мықты, Қазағым, сүйінші бер, сүйінші бер!!! Жамбыл ДҮЙСЕНОВ. АЛМАТЫ.