Шетелдік байқаушылар дауыс берушілердің жас мөлшерін де мұқият қадағалады

Гаагадан келген Басқару жә­не технология саласы бойынша тәуелсіз кеңесші Джэгжит Синх Диллон мен нидерландт Living Values Education қорының президенті Маргарет Элизабет Урсулайн Генриет-Ван Лоон «Қазақстан» қонақ үйінің баспасөз клу­бында БАҚ өкілдерімен кездесті. Қазақстан Республикасы Пре­зи­дентінің кезектен тыс сай­­лауына тікелей қатысқан халық­аралық байқаушылар өздері бақылаған аймақ – Алматы қаласы бойынша ешбір заң бұзушылықтар мен теріс әрекеттердің болмағанын мәлімдеді. «Алматы қаласы мен облысында дауыс берушілер түске дейін және түстен кейін де сайлауға зор белсенділікпен қатысты. Яғни, түскі үзілістен кейінгі уақытта да дауыс берушілер өздерінің азаматтық міндетіне адалдық танытты», – деді нидерландтық байқаушылар. Байқаушылар елдегі сайлау­шылардың жас мөлшеріне де ерекше көңіл аударған. «Халықтың барлық өкілдері жас мөлшерлеріне қарамастан бұл сайлауға бір кісі­дей қатысты», –  деді шет­елдік байқаушылар. Яғни, олар­дың сөздеріне қарағанда, бұл сайлауға халықтың басым көпшілігі қызы­ғушылық танытып қана қоймай, өз міндетіне адалдық көрсете білген. Қанат ЕСКЕНДІР, «Егемен Қазақстан». АЛМАТЫ.