Жамбыл облысында басқарма басшысы тағайындалды

ТАРАЗ. 28 сәуір. Жамбыл облысы әкімінің өкімімен Ерлан Тоқтарұлы Масалимов облыстық денсаулық сақтау басқармасының басшысы болып тағайындалды. Бұл туралы Жамбыл облысы әкімдігінің баспасөз қызметі хабарлады. Ерлан Тоқтарұлы Масалимов 1965 жылы туған, білімі жоғары. 1990 жылы Семей мемлекеттік медицина институтын емдеу ісі және 2001 жылы Қазақ мемлекеттік заң академиясын заңгер мамандықтары бойынша бітірген. Еңбек жолын 1988 жылы Семей қаласындағы жедел жәрдем қызметінде фельдшер болып бастаған. 1990-1991 жылдары Семей қаласында облыстық клиникалық ауруханасының интерн-дәрігері, 1991-1998 жылдары Семей облысы Мақаншы ауданының Бахты ауылдық учаскелік ауруханасының бөлім дәрігері, аудандық медициналық бірлестігінің директоры, 1998-2000 жылдары Шығыс Қазақстан облысы Жарма ауданының бас дәрігері, аудандық медициналық бірлестігінің меңгерушісі, 2000-2005 жылдары Өскемен қаласының денсаулық сақтау басқармасының бастығы қызметтерін атқарған. 2005-2006 жылдары Қазақстан Республикасы Денсаулық сақтау министрлігінде басқарма бастығы, 2006-2009 жылдары Шығыс Қазақстан облысы денсаулық сақтау департаментінің бөлім бастығы, Өскемен қаласының денсаулық сақтау басқармасының бөлім бастығы, 2009-2010 жылдары Қазақстан Республикасы Денсаулық сақтау министрлігінің Медициналық және фармацевтикалық қызметті бақылау комитетінің Шығыс Қазақстан облысы бойынша департаментінің директоры, 2010-2012 жылдары Шығыс Қазақстан облысының денсаулық сақтау басқармасының бастығы, 2012-2013 жылдары Қазақстан Республикасы Денсаулық сақтау министрлігінің Медициналық қызметке ақы төлеу комитетінің Астана қаласы бойынша департаменті директорының орынбасары, 2013-2014 жылдары Қазақстан Республикасы Денсаулық сақтау министрлігінің Медициналық және фармацевтикалық қызметті бақылау комитетінің Жамбыл облысы бойынша департаменті басшысы қызметтерін атқарған. Оралхан Дәуіт. Дерек, сурет: Жамбыл облысы әкімдігінің баспасөз қызметі.