Almaty Open турнирі және сегіз саңлақ

Қазірдің өзінде әлемдік рейтинте ТОП-50-ліктің санатына енген сегіз саңлақтың Алматыдағы жарыста бақ сынауға бел буғаны белгілі болып отыр. Олар – Фрэнсис Тиафо (№15 ATP), Себастьян Корда (№16 ATP), Алехандро Табило (№22 ATP), Артур Фис (№24 ATP), Карен Хачанов (№27 ATP), Флавио Каболли (№32 ATP) , Томас Махач (№34 ATP), Адриан Маннарино (№44 ATP). Бұл ойын­шылардың қол жеткізген табыстары төмендегідей:

Фрэнсис Тиафо (АҚШ) – Екі рет US open додасының жартылай финалына дейін жетті (2022, 2024 жылдары). Аустралияның ашық біріншілігінің ширек финалында ойнады (2019). АТР турнирлерінде үш рет топ жарды. Ең үздік көрсеткіші – 10-орын (2023). Кезінде жастар арасында әлемнің екінші ракеткасы атанды. 26 жаста.

Себастьян Корда (АҚШ) – Аустралия ашық біріншілігінің ширек финалында өнер көрсетті (2023). АТР турнирлерінде екі рет дара шықты. Ең үздік көрсеткіші – 15-орын (2024). Кезінде жастар арасында Аустралия ашық біріншілігінде бас жүлдені олжалап, әлемнің бірінші ракеткасы атанды (2018). 24 жаста.

Алехандро Табило (Канада)  Уимбл­донның үшінші ке­зеңіне дейін жетті (2024). АТР турнирлерінде екі рет же­ңім­паз атанды. Жұптық са­йыста Панамерика ой­ындарының күміс жүлдегері (2023). Ең үздік көрсеткіші – 19-орын (2024). 27 жаста.

Артур Фис (Фран­ция) – Уимбл­­донның төр­­­­тінші кезеңіне дейін жетті (2024). АТР турнирлерінде екі рет топ жарды. Ең үздік көрсеткіші – 20-орын (2024). Кезінде жастар арасындағы Ролан Гарростың финалында ойнап, жұптық сайыста бас жүлдені иеленді (2021). 20 жаста.

Карен Хачанов (Ресей) – US open (2022), Аустралия ашық біріншілігінің (2023) жартылай финалына дейін жетті. Ролан Гаррос (2019, 2023) пен Уимбл­донның (2022) ширек финалында күш сынасты. АТР турнирлерінде 6 мәрте мерейі үстем болды. Дэвис кубогінің иегері (2021). Токио Олимпиадасының күміс жүлдегері (2021). Ең үздік көр­­сеткіші – 8-орын (2019). 28 жаста.

Флавио Каболли (Италия) – US open (2024), Аустралия ашық бірін­шілігінің (2024) үшін­ші ке­зеңінде өнер көрсетті. Ке­зін­­де жастар ара­сын­­дағы Ролан Гар­­ростың жұп­тық са­йысын­да жеңім­паз атан­ды (2020). Ең үз­дік көрсеткіші – 31-орын (2024). 22 жаста.

Томас Махач (Чехия) – US open до­да­­сының төртінші кезеңіне дейін жетті (2024). Микстен Париж Олим­пиа­дасының жеңімпазы (2024). Ең үздік көрсеткіші – 33-орын (2024). 23 жаста.

Адриан Маннарино (Франция) – Уимблдон (2013, 2017, 2018), Аус­тра­лия ашық біріншілігінің (2022, 2024) төртінші кезеңінде бақ сынады. АТР турнирлерінде бес рет топ жарды. Ең үздік көрсеткіші – 17-орын (2024). 36 жаста.

Міне, Алматыға келетін сегіз саңлақ – осылар. Ал еліміздің туы астында Алек­сандр Бублик, Александр Шевченко, Ми­хаил Кукушкин, Александр Недо­весов, Тимофей Скатов, Бейбіт Жұқаев Денис Евсеев, Әмір Омарханов өнер көрсетеді.