Фото: https://mazhilis.parlam.kz
Қаржы вице-министрі Абзал Бейсенбекұлы «2025-2027 жылдарға арналған республикалық бюджет туралы» заң жобасы туралы баяндама жасады. Оның айтуынша, 2025 жылға арналған кірістер 21,7 трлн теңге көлемінде болжанып отыр, оның 15,6 трлн теңгесі - трансферттерді есепке алмағандағы кірістер. Шығыстар 25,8 трлн теңгеге дейін артады. Бұл ретте бюджет алдыңғы жылдардағыдай әлеуметтік бағытта қалады.
«Қазақстан Республикасының Ұлттық қорынан 2025-2027 жылдарға арналған кепілдендірілген трансферт туралы» заң жобасының нормалары туралы Ұлттық экономика вице-министрі Азамат Әмрин баяндама жасады. Ол 2025-2027 жылдарға арналған республикалық бюджетке кепілдендірілген трансферт көлемі жыл сайын 2 триллион теңге көлемінде белгіленгенін айтты.
Таныстырылымнан кейін жиынға қатысушылар заң жобаларын талқылады. Олар бойынша жұмыс жұмыс топтарының отырыстарында жалғасады. Жұмыс топтарына Қаржы және бюджет комитетінің мүшесі Еркін Әбіл жетекшілік етеді. Талқылау барысында депутаттар тарапынан айтылған ұсыныстар мен пікірлер ескеріледі.
