Қазақстандық фильм халықаралық байқауда жеңімпаз атанды

АСТАНА. 28 сәуір. «Черный квадрат» телевизиялық бағдарламасы аясында түсірілген қазақстандық «Бөлшектелген өлім» фильмі детектив жанрындағы халықаралық байқауда жеңімпаз атанды. Бұл туралы zakon.kz хабарлады. «Детектив ФЕСТ» халықаралық фестивалі қоғамдағы адам құндылығы мен бостандығын, сондай-ақ, өзін-өзі бағалау құқығын насихаттайтын әлемдегі жалғыз байқау. Осымен 16-рет ұйымдастырылған фестивальға 55 елден, 435 кинотуынды ұсынылды. Мұның 60-ы толықметражды болса, 56-сы көп сериалды фильм. Ал қалғаны деректі фильмдер. Байқауға қатысқан қазақстандық туындының құрылымы қылмыс әлеміндегі қатыгездік пен көлеңкелі бизнеске қатысты оқиғаны баяндайды. Айта кетейік, Мәскеу қаласында өткізілген дәстүрлі халықаралық байқауда отандық фильм үздік деп танылып, жеңімпазы атанды. Талғат Райымбек. Дерек, сурет: zakon.kz.