АСТАНА. 28 қаңтар. Еврочеллендж турнирі аясында «Астана» баскетбол командасы бельгиялық «Окапи Алстарға» 108:85 есебімен жол берді. Бұл туралы egemen.kz хабарлады.
Бельгияда өткен ойында алаң иелері төрт кезеңде де басым болды. Алғашқы ширекте «Астана» сапындағы Джерри Джонсон, Джейкован Браун сынды ойыншылар белсенді болғанымен, қарсыластар 28:22 есебімен кезеңді өз пайдаларына аяқтады.
Есесіне, екінші кезеңде біздің спортшылар бельгиялықтарға лайықты қарсылық көрсетті. Соған сәйкес, бұл ширекте «Астана» қарсыластарынан небәрі бір ұпай қалып қойды (20:19). Дегенмен, қос кезең қорытындысы бойынша «Окапи Алстар» 48:41 есебімен ұтып жатқан еді.
Үлкен үзілістен кейін қарсыласымыз қарқынын күшейтіп, кезең соңында 16 ұпайға ұзап кетті (79:63). Шешуші ширекте «Астананың» бас бапкері Александр Трифунович ойынды құтқарып қалу мақсатында әртүрлі тактикалық тәсілдерді қолданып көрді. Әсіресе, Джерри Джонсонға көп сенім артылды. Себебі, ол бұған дейін Бельгияның «Чарлер» командасында ойнаған болатын. Яғни, бұрын «Окапи Алстарға» қарсы сан мәрте ойнап, аталған команданың ойын өрнегіне әбден қанық. Алайда, Джерридің әрекеттері еш нәтиже бермей, алаң иелері айқын басымдықпен жеңіске жетті.
Ойын барысында ең көп ұпай жиған ойыншы бельгиялық команда сапындағы Лоана Тофи. Ол 40 минут ішінде еншісіне 27 ұпай жазған екен. Ал «Астана» сапындағы ең мерген ойыншы 16 ұпай жиған Рашид Махалбашич.
Бұл жеңісінен кейін «Окапи Алстар» 5 ұпаймен «І» тобында көш бастады. Төрт ұпайы бар «Астана» әзірге екінші орында келеді. Дегенмен, 3 және 4-орындарда тұрған румыниялық «Энергия Ровинари» мен италиялық «Бриндизи» командаларында бізден бір ойын кем. Екі ойыннан өткізген олардың қоржындарында бүгінде 3 ұпайдан бар.
«Астана» аталмыш турнир аясындағы келесі ойынды 10 ақпан күні өз алаңында өткізеді. «Сарыарқа» республикалық велотрегінде өтетін сол ойында біздің қарсылас «Бриндизи» командасы болмақ.
Еламан Қоңыр.
Дерек: egemen.kz.
Сурет: bcastana.kz.
АСТАНА. 28 қаңтар. Еврочеллендж турнирі аясында «Астана» баскетбол командасы бельгиялық «Окапи Алстарға» 108:85 есебімен жол берді. Бұл туралы egemen.kz хабарлады.
Бельгияда өткен ойында алаң иелері төрт кезеңде де басым болды. Алғашқы ширекте «Астана» сапындағы Джерри Джонсон, Джейкован Браун сынды ойыншылар белсенді болғанымен, қарсыластар 28:22 есебімен кезеңді өз пайдаларына аяқтады.
Есесіне, екінші кезеңде біздің спортшылар бельгиялықтарға лайықты қарсылық көрсетті. Соған сәйкес, бұл ширекте «Астана» қарсыластарынан небәрі бір ұпай қалып қойды (20:19). Дегенмен, қос кезең қорытындысы бойынша «Окапи Алстар» 48:41 есебімен ұтып жатқан еді.
Үлкен үзілістен кейін қарсыласымыз қарқынын күшейтіп, кезең соңында 16 ұпайға ұзап кетті (79:63). Шешуші ширекте «Астананың» бас бапкері Александр Трифунович ойынды құтқарып қалу мақсатында әртүрлі тактикалық тәсілдерді қолданып көрді. Әсіресе, Джерри Джонсонға көп сенім артылды. Себебі, ол бұған дейін Бельгияның «Чарлер» командасында ойнаған болатын. Яғни, бұрын «Окапи Алстарға» қарсы сан мәрте ойнап, аталған команданың ойын өрнегіне әбден қанық. Алайда, Джерридің әрекеттері еш нәтиже бермей, алаң иелері айқын басымдықпен жеңіске жетті.
Ойын барысында ең көп ұпай жиған ойыншы бельгиялық команда сапындағы Лоана Тофи. Ол 40 минут ішінде еншісіне 27 ұпай жазған екен. Ал «Астана» сапындағы ең мерген ойыншы 16 ұпай жиған Рашид Махалбашич.
Бұл жеңісінен кейін «Окапи Алстар» 5 ұпаймен «І» тобында көш бастады. Төрт ұпайы бар «Астана» әзірге екінші орында келеді. Дегенмен, 3 және 4-орындарда тұрған румыниялық «Энергия Ровинари» мен италиялық «Бриндизи» командаларында бізден бір ойын кем. Екі ойыннан өткізген олардың қоржындарында бүгінде 3 ұпайдан бар.
«Астана» аталмыш турнир аясындағы келесі ойынды 10 ақпан күні өз алаңында өткізеді. «Сарыарқа» республикалық велотрегінде өтетін сол ойында біздің қарсылас «Бриндизи» командасы болмақ.
Еламан Қоңыр.
Дерек: egemen.kz.
Сурет: bcastana.kz.
