АСТАНА. 28 қаңтар. Испания мен Словакияда өтіп жатқан қысқы Универсиадада еліміздің қоржынына тағы бір медаль түсті. Бес шақырымдық спринтерлік жарыста шаңғышымыз Анастасия Слонова мәреге екінші жетіп, мойнына күміс медаль тақты. Бұл туралы egemen.kz хабарлады.
Словакияның Штребске Плесо қаласында өткен сайыста Настя тек ресейлік Оксана Усатоваға жол берді. Оксана 5 шақырымды 13 минут 09,5 секунд аралығында жүріп өтті. Ал Слонова қарсыласынан 18,1 секундқа қалып қойды. Қола жүлде тағы бір ресейлік шаңғышы Лилия Васильеваның еншісінде. Ол мәреге чемпионнан 21,9 секунд кешігіп жетті.
Айта кетер жайт, бұл қашықтық бойынша Настядан бөлек тағы бес спортшымыз жарыс жолына шықты. Олардың көрсеткіші төмендегідей:
Анна Стоян 6-орын (+48,8);
Виктория Ланчаков 9-орын (+52,0);
Ольга Мандрика 14-орын (+1:02,7);
Татьяна Осипова 16-орын (+1:06,5);
Марина Матросова 24-орын (+1:21,2).
Жарыстың алғашқы күні қоржынымызға бірден екі алтын медаль түскен еді. Оның біреуін спринтерлік сайыста Анастасия Слонова олжалағанын айта кетейік. Бүгінгі таңда еншімізде барлығы 2 алтын және 1 күміс медаль бар. Аталмыш үш жүлдемен жалпыкомандалық есепте Ресейден кейін екінші сатыда келеміз. Солтүстік көршіміздің қоржынында бүгінде 6 алтын, 8 күміс және 8 қола медаль бар. Ал бейресми есептегі үздік үштікті 1 алтын, 1 күміс және 1 қола медальмен Польша түйіндеп тұр.
Универсиада 24 қаңтарда басталған болатын. Содан бері жоғарыда аталған үш елмен қатар, Словакия, Болгария, Украина, Германия, Жапония және Чехия мемлекеттерінің спортшылары жүлдеге ілікті.
Еламан Қоңыр.
Дерек: egemen.kz.
Сурет: tatry2015.sk.
АСТАНА. 28 қаңтар. Испания мен Словакияда өтіп жатқан қысқы Универсиадада еліміздің қоржынына тағы бір медаль түсті. Бес шақырымдық спринтерлік жарыста шаңғышымыз Анастасия Слонова мәреге екінші жетіп, мойнына күміс медаль тақты. Бұл туралы egemen.kz хабарлады.
Словакияның Штребске Плесо қаласында өткен сайыста Настя тек ресейлік Оксана Усатоваға жол берді. Оксана 5 шақырымды 13 минут 09,5 секунд аралығында жүріп өтті. Ал Слонова қарсыласынан 18,1 секундқа қалып қойды. Қола жүлде тағы бір ресейлік шаңғышы Лилия Васильеваның еншісінде. Ол мәреге чемпионнан 21,9 секунд кешігіп жетті.
Айта кетер жайт, бұл қашықтық бойынша Настядан бөлек тағы бес спортшымыз жарыс жолына шықты. Олардың көрсеткіші төмендегідей:
Анна Стоян 6-орын (+48,8);
Виктория Ланчаков 9-орын (+52,0);
Ольга Мандрика 14-орын (+1:02,7);
Татьяна Осипова 16-орын (+1:06,5);
Марина Матросова 24-орын (+1:21,2).
Жарыстың алғашқы күні қоржынымызға бірден екі алтын медаль түскен еді. Оның біреуін спринтерлік сайыста Анастасия Слонова олжалағанын айта кетейік. Бүгінгі таңда еншімізде барлығы 2 алтын және 1 күміс медаль бар. Аталмыш үш жүлдемен жалпыкомандалық есепте Ресейден кейін екінші сатыда келеміз. Солтүстік көршіміздің қоржынында бүгінде 6 алтын, 8 күміс және 8 қола медаль бар. Ал бейресми есептегі үздік үштікті 1 алтын, 1 күміс және 1 қола медальмен Польша түйіндеп тұр.
Универсиада 24 қаңтарда басталған болатын. Содан бері жоғарыда аталған үш елмен қатар, Словакия, Болгария, Украина, Германия, Жапония және Чехия мемлекеттерінің спортшылары жүлдеге ілікті.
Еламан Қоңыр.
Дерек: egemen.kz.
Сурет: tatry2015.sk.
