Сайлау қорытындылары анықталды

Кеше Қазақстан Республикасы Орталық сайлау комис­сиясының отырысы болды, онда 2015 жылғы 26 сәуірдегі Қазақ­стан Республикасы Президентінің кезектен тыс сайлауы­ның қорытындылары жарияланды. Облыстық, Астана және Ал­маты қалалық аумақтық сайлау комиссиялары ұсынған деректерге сәйкес, Орталық сайлау комиссиясы тізімдерге енгізілген 9 547 864 сай­лаушының  9 090 920-сы немесе 95,21%-ы дауыс беруге қатысқаны белгілі болып отыр. Сайлаушылар дауысы жалпы республика бойынша төмендегідей бөлініпті: Әбілғазы Қалиақпарұлы Құ­сайы­­новқа сайлаушылардың 57 718 дауысы берілсе, бұл 0,64%-ды құрайды. Нұрсұлтан Әбішұлы Назар­баевқа – 8 833 250  немесе 97,75%. Тұрғын Ысқақұлы Сыздықовқа – 145 756 немесе  1,61%. «Сайлау туралы» Заңға сәй­кес және Орталық, сондай-ақ, об­лыстық, Астана және Алматы қа­ла­лық аумақтық сайлау комис­сияларының Қазақстан Рес­пуб­ликасының Президентін сай­лау нәтижелері туралы хат­тама­ларының негізінде Орталық сайлау комиссиясы сайланған Қазақстан Республикасы Президенті болып  Нұрсұлтан Әбішұлы Назарбаев саналсын деп қаулы етті. Сайлаудың нәтижелері туралы Қазақстан Республикасының Орталық сайлау комиссиясы бекіткен ресми хабар БАҚ-та жарияланады және Ортсайлаукомның ресми интернет-ресурсында орналастырылады. Сонымен қатар, Қазақстан Республикасы Орталық сайлау комиссиясы 2015 жылғы 26 сәуірде кезектен тыс сайлауда сайланған Қазақстан Республикасының Президентін тіркеу туралы қаулы қабылдады және 2015 жылғы 29 сәуірді Қазақстан Республикасы Президентінің ант беру күні деп белгіледі. Ортсайлауком төрағасы Ор­та­лық сайлау комиссиясы аталған қаулыларды қабылдай отырып, Мемлекет басшысын сайлау жө­ніндегі сайлау науқанының соңғы кезеңін аяқтайды деп атап өтті. «Өткен сайлау науқаны бары­сында өздерінің саяси еркін бел­сенді әрі бірегей көрсеткен бар­лық қазақстандықтарды құттық­тауға, сондай-ақ, сайлау про­цесі­нің барлық қатысушы­лары­на, әсіресе, сайлауды ұйымдас­тыру­шыларға адал және жауапты жұмыстары үшін алғыс білді­руге рұқсат етіңіздер. Сай­лау комиссиялары Қазақстан Рес­публикасы Президентінің сайлауын ұйымдастыру және өткізу жөніндегі олардың алдарына қойылған міндеттерді орындап шықты деп ойлаймын», – деді Қ.Тұрғанқұлов отырыс соңында. Асқар ТҰРАПБАЙҰЛЫ, «Егемен Қазақстан». АСТАНА.