Жалақы қарызы өтелді

Прокуратура қызметкерлері Атырау қаласындағы кәсіп­орындарда еңбек заңнамасының сақталуына, соның ішінде, жұ­мыс­шыларға уақтылы еңбек­ақыларын төлеу бойынша мониторинг жүргізді. Мониторингтің нәтижесінде мұнай және газ саласында қызмет жасайтын «Гюрал» серіктестігінде 79 жұмысшыға жалпы сомасы 24 млн.теңгеден астам еңбекақы төленбегендігі анықталды. Талдау нәтижесі көр­сеткендей, жалақының осын­дай ірі көлемдегі жиынтық сомасы жұмысшыларға өткен жылдың қараша, желтоқсан және биылғы қаңтар, ақпан айларында төленуі тиіс болған. Бұл факті Атырау қалалық прокурорының назарына алынып, оның ұйғарымымен атал­ған еңбекақы сомасы жұмыс­шыларға толығымен төленді. Сонымен қатар, Атырау қаласы прокура­турасының ұсынысы негізінде «АтырауБасЖоспар» ЖШС-мен 63 жұмысшыға жалпы сомасы 3,3 млн. теңге болатын жалақы қарызы да түгелдей өтелді. Жолдасбек ШӨПЕҒҰЛ, «Егемен Қазақстан». Атырау облысы.