Шетелдіктер жасырынып жүріпті

Атырауға шетел азаматтары көп келеді. Әрине, вахталық әдіспен жұ­мыс істеп, көл-көсір пайда табуды көздейді. Бірақ, олардың бәрі бірдей ел заңдылығын сақтай бермейді. Тіпті, кейбіреулерінің құқық қорғау қызметкерлерінен жасырынып жүре­тіні де бар. Сондай бір топ қытай­лық азаматты Атырау қалалық ішкі істер басқармасының учаскелік полиция инспекторлары прокуратура қыз­меткерлерімен бірлесіп жүргізген шара барысында анықтап, ұстап алды. Нақтылай айтқанда, Қытай Халық Республикасының 38 азаматы қаладағы жатақханалардың бірінде жасырынып жүрген болып шықты. Олар еліміздің аумағына енген соң ішкі істер органдарында тіркелуден өтуі тиіс екен. Алайда, облыстық ішкі істер департаментінің баспасөз хатшысы Гүлнәзира Мұхтарованың хабарлағанындай, Қытай азаматтары тиісті заңдылықтың бұл талабын бұзған. Сол себептен, 38 қытайлыққа қатысты әкімшілік хаттамалар толтырылды. Қазіргі уақытта аталған шетелдіктердің ел заңдылығын бұзуы­мен байланысты толтырылған әкім­шілік хаттама әкімшілік сотқа жолданды. Жолдасбек ШӨПЕҒҰЛ, «Егемен Қазақстан». Атырау облысы.