Қалтқысыз сенім танытылды

Бұрынғы талай сайлаудың да куәсімін. Онда да тол­­қығанмын, тебірен­­генмін. Ал бұл жол­ғы сайлаудың жөні мүлде бөлектеу бол­ды. Таң сәріден тай­лы-таяғымен сайлау учаскелерін­де кезекке тұрған жұрт­шылықты жетелеген не құдірет?! Меніңше, оларды жетелеген – болашаққа деген сенім. Бейбіт күнге, береке-бірлікке, ынтымақты тірлікке деген толассыз үміт. Жүрегіме ұялаған осы бір сенім мені де таңсәріден сайлау орнына жетеледі. Дауыс қағазын қолыма ұстап тұрып, Елбасы басқарып отырған еліміздің өткен жолын көз алдымнан өткізгендей болдым. Айтып тауыса алмас жетістіктердің бәрі Президент ұйыстырған жеңістердің жемісі. Басқасын қоя тұрып, көп қасіретті басынан өткізген қазақ тілінің өзінің еңселі биігіне көтеріле тү­­суіне жа­са­ған пер­зенттік ең­бе­гінің өзі неге тұрады. Елбасының ел басқарудағы ай­рық­ша таланты мен еңбекқорлығына ел­дің көзі әбден жеткен. Сондықтан да ел өзінің болашағын он ойлап, жүз толғап барып, Нұрсұлтан Әбішұлының қолына күмәнсіз тапсы­рып отыр. Қазақтар ғана емес, бүкіл қа­зақстандықтар да Елбасына қалт­қысыз сенетінін танытты. Әр­дайым аман болғанын тіледі. Ана тілін өзінің ар-ұятына балайтын Халықаралық «Қазақ тілі» қоғамының миллионға тарта мүшесінің де тілегі осы. Өмірзақ АЙТБАЙҰЛЫ, Халықаралық «Қазақ тілі» қоғамының президенті, академик.