Бүгін еліміздің кей өңірлерінде нөсер жауын жауады

АСТАНА. 29 сәуір. Бүгін еліміздің бірқатар өңірінде ауа райы ашық, күн жылы болады. Тек шығыс, орталық және оңтүстік-батыста құбылмалы күн райы сақталады. Атмосфералық фронтальді ағымдардың көшуіне байланысты аталған өңірлердің кей жерлерінде нөсер жауын жауады. Бұл туралы «Қазгидромет» хабарлады. Ақмола, Солтүстік Қазақстан және Шығыс Қазақстан облыстарында тұман түседі деп күтілуде. Ал Павлодар, Оңтүстік Қазақстан және Жамбыл облыстарының кей жерлерінде секундына 15-20 метр жылдамдықпен жел соғады. Маңғыстау облысының кей жерлерінде жауын-шашын болады. Ал Қарағанды облысында тұман түсіп, 15-20 м/с жылдамдықпен жел соғады. Сондай-ақ, Қызылорда және Қарағанды облыстарының кей жерлерінде өрт қаупі сақталады. Еламан Қоңыр. Дерек: «Қазгидромет». Сурет: ngs24.ru.