Оңтүстік Қазақстанда басқарма басшысы тағайындалды

АСТАНА. 29 қаңтар. Оңтүстік Қазақстан өңірінің әкімі Асқар Мырзахметовтың өкімімен Орашов Күмісбек Әшірбайұлы облыстық құрылыс басқармасының басшысы болып тағайындалды. Бұл туралы облыстық әкімдіктің баспасөз қызметі хабарлады. К.Орашов 1964 жылы туған. Білімі жоғары. Мамандығы – инженер-механик. Еңбек жолын В.И.Ленин атындағы Ульяновск (Ресей) көлік зауытының ІІІ разрядты слесарі болып бастаған. 1985-1995 жылдары аралығында №3 Шымкент көлік комбинатының ІІ разрядты слесарі, Ленгір қаласы жүргізушілер дайындайтын мекемесінің мұғалімі, Сайрам ауданы «Коммунизм» колхозы автопаркінің механигі, Шымкент мұнай қоймасының ІІ разрядты операторы болған. Сондай-ақ, ол әр жылдарда «Көктем» ЖШС жанар-жағармай бекетінің ІІ разрядты операторы, «Идеал» ЖШС ауысым бастығы, коммерциялық директоры, «Строй-Сервис-7» ЖШС директоры, Оңтүстік Қазақстан облысы Сайрам ауданы мәслихатының хатшысы, Оңтүстік Қазақстан облысы жолаушылар көлігі және автомобиль жолдары басқармасының басшысы қызметтерін атқарған. Ал 2015 жылғы қаңтардан бастап облыстық тұрғын үй-коммуналдық шаруашылық және жолаушылар көлігі басқармасы басшысының орынбасары болып еңбек етіп келген. Жолдыбай Базар. Дерек, сурет: Оңтүстік Қазақстан облыстық әкімдігінің баспасөз қызметі.