Өскеменде Елбасын ұлықтау рәсімін қолдаған шара өтті

ӨСКЕМЕН. 29 сәуір. Облыс орталығындағы Комсомол аралында шығысқазақстандық жастар Мемлекет басшысының ұлықтау рәсіміне қолдау білдіріп, флэшмоб өткізді. Бұл туралы egemen.kz хабарлады. Аталған шараға белсенді жастар, үкіметтік емес ұйымдар мен студенттерден құралған 500-ден астам адам қатысты. Азаматтық ұстанымдарын білдірген жастар: «Біздің күшіміз – бірлікте!»,–деп ұран тастады. Шарада Дәулет Серікбаев атындағы Шығыс Қазақстан мемлекеттік техникалық университетіның әлеуметтік даму және тәрбие жұмыстары департаменті директоры Бақыт Злобин: «Еліміздің Президенті Нұрсұлтан Назарбаев атап өткендей, Мәңгілік Ел болуымыз үшін адамды, жас буынды тәрбиелеу керек. Сонда біз, жастар, Отанымыздың дамуына өз үлесімізді қосатын боламыз», – деді. Айта кету керек, бүгін шығыс өңірінің еңбек ұжымдары мен ұйымдары, оқу орындары және әскери бөлімдер аталған тарихи оқиғаны ұйымдасқан түрде тікелей эфирден бірге тамашалады. Сондай-ақ, барлық ауданда түрлі іс-шаралар өтуде. Ал облыс орталығындағы «Аралдар» резиденциясында мыңдаған жастардың қатысуымен «Студент көктемі» іс-шарасы ұйымдастырылады. Думан Анаш. Дерек, сурет: еgemen.kz.