Жымпиты кентінің тұрғыны, зейнеткер Хамит Халитовты ауылдың үлкені де, кішісі де Әти деп атайды. Ақкөңіл Хамақаң өзіне бас тірей келген жандарға мүмкіндігіне орай көмектесіп тұрады. Бұл – оның қанына сіңген қасиеттерінің бірі.
Хамит Халитовтың әкесі Сафаден мен анасы Нұрзиян осы жымпитылық татар әулетінің бір отбасы болды. Марқұм әкесі өзінің еңбекқорлығымен дүкенші, қойма меңгерушісі болса, анасы Нұрзиян аудандық партия комитетінде хатшылық жұмысын абыройлы атқарған еді. Міне, осындай ортада тәрбиеленіп, ержеткен Хамит әуелден-ақ еңбекқорлығымен көзге түсті.
– Айта берсек, әңгіме көп қой. Өзім шахтада, күзет бөлімінде жұмыс істедім. Армия қатарында болдым. Бүгінде сол бір кездерді қолдағы ескі суреттерге, еңбек кітапшамдағы деректерге көз жүгіртіп, ойша саралап отырамын, – деді Хамақаң сөз арасында.
Сонау 1950-жылдары Жымпиты орта мектебін бітірген Хамит көп ойланып жатпастан Қарағандыдағы арнайы оқу орнына құжаттарын тапсырып, электрші-техник мамандығына оқыды. Сөйтіп, өзінің алғашқы еңбек жолын Қарағанды қаласындағы «Ленинуголь»шахтасында бастады. Кейін армия қатарына алынды. Елге оралған соң ол аудандық аурухана, коммуналдық кәсіпорын, жол бөлімі мекемелерінде шопыр, механизатор болып істеді. Әсіресе, аудандағы жол бөлімінде марқұм Б.Дүзкеев басшылық жасаған тұста автогрейдерші болып еңбек еткен жылдарын сағынышпен еске алады. Бір кездері ауданды басқарған С.Ниязов, М.Исқақовтармен жұмыс бабындағы түрлі жиналыстарда құрметті мінбе төрінен қатар орын алуының өзі еңбегіне көрсетілген үлкен баға, құрмет болса керек.
Кеңестік дәуірде республиканың автокөлік жолдарының министрі болған, КСРО Жоғарғы Кеңесінің депутаты Гончаровпен аудан орталығындағы кездесу жиынында мінбеде бірге отырып жүздесуі, пікірлесуінің өзі өмірдің бір дәурені екен ғой. Аудандық жол бөлімінде еңбек етіп жүрген 1972 жылы жұмыс үстінде қолынан жарақат алып, мүгедектікке душар болғанда да Хамақаң еңбектен қол үзбеді.Жасы келіп зейнеткерлікке шыққанға дейін Х.Халитов аудандағы дайындық мекемесінде күзетші болды. Оған қоса, Хамақаң газ плитасын жөндеу, электр желілерін, құралдарын тексеру, темір-терсектерді жөндеп, құрастыру жұмыстарын шеберлікпен жасайтын.
– Көрші-көлем мені арнайы іздеп келіп, үйде отырғыза бермейді, – дейді Хамақаң сөз арасында. – Біреуі балта, пышағын, енді бірі шәйнегін жөндеуге әкеледі. Тіпті, үйлеріне шақырып, түрлі ішкі жұмыстарын жөндеуден өткізіп беруге де қолқа салады. Ай, қазақтар-ай, әбден жұмыс біткен соң риза болғандары шығар, алмасыңа қоймастан, қалтаңа аз да болса еңбегің деп ақшасын да қыстырып жататындары және бар.
Иә, осылайша ағынан жарылған Хамақаң өзі жұмыс үстінде жарақат алып, екі айдай ауруханада жатқанында сол кездегі облыстағы жол басқармасының бастығы Останин мен облыстық кәсіподақ комитетінің басшысы Поткольдың орталықтан сыңғырлаған пәтерді де тұрғызып беруге басты себепкер болғандығын ырзалықпен айтады.
Хамақаң аудан көлемінде 45 жыл жемісті еңбек етсе, марқұм зайыбы Фатима да жол мекемесінде 26 жылдай жұмыс атқарған. Ол Фатимамен бір шаңырақ астында 37 жылдай дәм-тұздары жарасып, бес ұл-қыз тәрбиеледі.
Бүгінде жымпитылықтардың әтиі атанып кеткен Хамит Халитов кенже ұлы Талғаттың қолында, келіні Самалдың шәйін ішіп, немерелері Зухраның, Әлішердің бал қылығын қызықтап отырған жайы бар. Ал қыздары Зіфарзат, Бибінұр, ұлы Фаттың өз отбасылары бар. Олар да осы аудан орталығында тұрады.
Хамақаң бүгінде 80 жасқа толса да тың, өзін ширақ ұстайды. Қаратөбедегі, Бұлдырты ауылындағы құда-құдағайларымен жиі араласып, той дастарқандарында бас қосып отыратындары бар. Ондайда ол татарша ән салып та береді.
Әтидің үлкен немересі Қ.Мырзалиев атындағы орта мектептің 6-сынып оқушысы Зухра аудан орталығындағы «Еркеназ» би тобының белді бишісі. Жуырда «Еркеназ» би тобы Қазақстан ұлттық арнасындағы телевизиялық «Айгөлек» республикалық балалар байқауында топ жарып, бас жүлдеге ие болды. Енді Зухра осы құрамада биылғы жылдың сәуір айында Түркияның Измир қаласында өнер көрсететін болады.
Немересінің осындай биік жетістігіне қуанған Хамит ақсақал былтырғы жылдың соңына таман Елбасының халыққа арнаған Жолдауында еліміздің күретамыры саналатын жолды жөндеуге де баса назар аударылғандығына жолшы ретінде бек қуанып отыр.
Ал Хамақаңның есімі Алматыдан басылып шыққан «Құрмет кітабына» енгізілгендігін бірі білсе, енді бірі біле бермейді де.
Мүсірбек АЙТАШЕВ.
Батыс Қазақстан облысы,
Сырым ауданы.
Суретте: Хамит Халитов келін, бала, немерелерімен.
– Айта берсек, әңгіме көп қой. Өзім шахтада, күзет бөлімінде жұмыс істедім. Армия қатарында болдым. Бүгінде сол бір кездерді қолдағы ескі суреттерге, еңбек кітапшамдағы деректерге көз жүгіртіп, ойша саралап отырамын, – деді Хамақаң сөз арасында.
Сонау 1950-жылдары Жымпиты орта мектебін бітірген Хамит көп ойланып жатпастан Қарағандыдағы арнайы оқу орнына құжаттарын тапсырып, электрші-техник мамандығына оқыды. Сөйтіп, өзінің алғашқы еңбек жолын Қарағанды қаласындағы «Ленинуголь»шахтасында бастады. Кейін армия қатарына алынды. Елге оралған соң ол аудандық аурухана, коммуналдық кәсіпорын, жол бөлімі мекемелерінде шопыр, механизатор болып істеді. Әсіресе, аудандағы жол бөлімінде марқұм Б.Дүзкеев басшылық жасаған тұста автогрейдерші болып еңбек еткен жылдарын сағынышпен еске алады. Бір кездері ауданды басқарған С.Ниязов, М.Исқақовтармен жұмыс бабындағы түрлі жиналыстарда құрметті мінбе төрінен қатар орын алуының өзі еңбегіне көрсетілген үлкен баға, құрмет болса керек.
Кеңестік дәуірде республиканың автокөлік жолдарының министрі болған, КСРО Жоғарғы Кеңесінің депутаты Гончаровпен аудан орталығындағы кездесу жиынында мінбеде бірге отырып жүздесуі, пікірлесуінің өзі өмірдің бір дәурені екен ғой. Аудандық жол бөлімінде еңбек етіп жүрген 1972 жылы жұмыс үстінде қолынан жарақат алып, мүгедектікке душар болғанда да Хамақаң еңбектен қол үзбеді.Жасы келіп зейнеткерлікке шыққанға дейін Х.Халитов аудандағы дайындық мекемесінде күзетші болды. Оған қоса, Хамақаң газ плитасын жөндеу, электр желілерін, құралдарын тексеру, темір-терсектерді жөндеп, құрастыру жұмыстарын шеберлікпен жасайтын.
– Көрші-көлем мені арнайы іздеп келіп, үйде отырғыза бермейді, – дейді Хамақаң сөз арасында. – Біреуі балта, пышағын, енді бірі шәйнегін жөндеуге әкеледі. Тіпті, үйлеріне шақырып, түрлі ішкі жұмыстарын жөндеуден өткізіп беруге де қолқа салады. Ай, қазақтар-ай, әбден жұмыс біткен соң риза болғандары шығар, алмасыңа қоймастан, қалтаңа аз да болса еңбегің деп ақшасын да қыстырып жататындары және бар.
Иә, осылайша ағынан жарылған Хамақаң өзі жұмыс үстінде жарақат алып, екі айдай ауруханада жатқанында сол кездегі облыстағы жол басқармасының бастығы Останин мен облыстық кәсіподақ комитетінің басшысы Поткольдың орталықтан сыңғырлаған пәтерді де тұрғызып беруге басты себепкер болғандығын ырзалықпен айтады.
Хамақаң аудан көлемінде 45 жыл жемісті еңбек етсе, марқұм зайыбы Фатима да жол мекемесінде 26 жылдай жұмыс атқарған. Ол Фатимамен бір шаңырақ астында 37 жылдай дәм-тұздары жарасып, бес ұл-қыз тәрбиеледі.
Бүгінде жымпитылықтардың әтиі атанып кеткен Хамит Халитов кенже ұлы Талғаттың қолында, келіні Самалдың шәйін ішіп, немерелері Зухраның, Әлішердің бал қылығын қызықтап отырған жайы бар. Ал қыздары Зіфарзат, Бибінұр, ұлы Фаттың өз отбасылары бар. Олар да осы аудан орталығында тұрады.
Хамақаң бүгінде 80 жасқа толса да тың, өзін ширақ ұстайды. Қаратөбедегі, Бұлдырты ауылындағы құда-құдағайларымен жиі араласып, той дастарқандарында бас қосып отыратындары бар. Ондайда ол татарша ән салып та береді.
Әтидің үлкен немересі Қ.Мырзалиев атындағы орта мектептің 6-сынып оқушысы Зухра аудан орталығындағы «Еркеназ» би тобының белді бишісі. Жуырда «Еркеназ» би тобы Қазақстан ұлттық арнасындағы телевизиялық «Айгөлек» республикалық балалар байқауында топ жарып, бас жүлдеге ие болды. Енді Зухра осы құрамада биылғы жылдың сәуір айында Түркияның Измир қаласында өнер көрсететін болады.
Немересінің осындай биік жетістігіне қуанған Хамит ақсақал былтырғы жылдың соңына таман Елбасының халыққа арнаған Жолдауында еліміздің күретамыры саналатын жолды жөндеуге де баса назар аударылғандығына жолшы ретінде бек қуанып отыр.
Ал Хамақаңның есімі Алматыдан басылып шыққан «Құрмет кітабына» енгізілгендігін бірі білсе, енді бірі біле бермейді де.
Мүсірбек АЙТАШЕВ.
Батыс Қазақстан облысы,
Сырым ауданы.
Суретте: Хамит Халитов келін, бала, немерелерімен.
