Атырау соттарында 27 175 іс қаралды

АТЫРАУ. 30 қаңтар. Атырау облысы соттарының судьяларымен 27175 істі қаралды. Бұл туралы облыстық сот хабарлады. Сот органдарының жетістіктері мен жіберілген кемшіліктері талданған алқа отырысында облыстық сот төрағасы Мұхтар Смағұлов судьялар корпусы үшін сот төрелігін жүзеге асырудың сапасын жақсарту, сот отырыстарының жариялылығы мен қол жетімділігін қамтамасыз ету, сот жүйесінің имиджін көтеруді кеңінен насихаттау, жемқорлыққа қарсы батыл күрес жүргізу, судьялар қатарын кәсіби шеберлігі төмен, адамгершілік-моралдық бейнесі күмәнді адамдардан арылту жөнінде кеңінен тоқталды. Төрағаның мәлім етуінше, былтыр өңір соттарында 27 175 іс қаралды. Оның ішінде 1995-тен астамы азаматтық, 1 507 қылмыстық, 23 673-тен астам әкімшілік құқық бұзушылық туралы істер бар. Судья медиаторлардың қарауына 706 іс берілген. Сот шешімдерін шығарған кезде бас бостандығынан айырмай жаза тағайындаудың үлес салмағы көбейе түсуде. Тоғыз адамға қатысты ақтау үкімі шығарылды. «Сонымен бірге, былтырғы жылдың шілдесінен бері қолдарында цифрлы электронды қолтаңбалары бар азаматтарға «Сот кабинеті» арқылы талап арыздарын, сот отырыстарының хаттамалары мен хаттамаларға ескертулерді, ұсыныстарын жіберуге, электронды көшірмелерін алуға мүмкіндік туды. Осы жоба аясында, яғни, «Сот кабинеті» арқылы 2442 электронды талап арыз, 9 хаттамаға ескерту, 902 хаттаманың көшірмесін алуға өтініш, 56 электронды шағым, барлығы 30409 өтініш келіп түсті», деді облыстық соттың төрағасы Мұхтар Смағұлов. Жолдасбек Шөпеғұл. Дерек, сурет: Атырау облыстық соты.