АТЫ ДА — ХАЛЫҚШЫЛ, ЗАТЫ ДА — ХАЛЫҚШЫЛ...

Халық — қасиетті, қастерлі әрі ауқымды ұғым. Біз халық­тың мәртебесін Консти­ту­ция­мызға да шегелеп жазып қой­ғанбыз. “Мемлекеттік биліктің бірден-бір бастауы — халық” деп. Сонымен қатар халық­шыл­дық, ұлтшылдық, көпшілдік деген ұғымдар бар бізде. Бұлар халық деген ауқымды ұғымның ажырамас бөлшегі іспеттес. Біз кімдерді халықшыл дей­міз? Халқына болысқандарды. Халқының мойнындағы ауыр жүгін бірге көтеріскендерді. Мұн­дай теңеуді жеке адамдарға ғана емес, заңды тұлғаларға қа­тысты да айтуға әбден болады. “Үйі жоқтың — күйі жоқ” деген қанатты сөз бар қазақта. Осындай үйі жоқтарға үй алуға жәрдемдесіп, күйі жоқтардың күйін келтіруге көмектесіп жүрген “Тұрғын үй құрылыс жинақ банкін” халықшыл демей, кім дейміз?! 2003 жылы жұмысын баста­ған “Тұрғын үй құрылыс жинақ банкі” осы уақытқа дейін жал­пы сомасы 290,7 млрд. теңгені құрайтын 178 мыңнан астам келісім-шарт жасасқан. Осының бәрі халықтың игілігі, халықтың қажеттілігі үшін. Халықтың жүгі — ауыр жүк. Мұнша ауыр жүкті бірлесіп көтеретін сенімді әріп­тес қажет-ақ. “Тұрғын үй құ­ры­лыс жинақ банкінің” сенімді әр­іп­тесі бар. Ол — “Халық банкі”. “Халық банкі” АҚ мен “Қа­зақстанның Тұрғын үй құрылыс жинақ банкі” АҚ 2006 жылдан бері иық тірестіре жұмыс істеп келеді. Әріптестіктің алғашқы сатысында “Тұрғын үй құрылыс жинақ банкі” салымшыларына “Халық банкі” терминалдарын пайдалану мүмкіндігі берілген болатын. Бұл тәжірибе ең алды­мен Алматыда жүргізілді. Әріп­тестіктің тиімділігін түсінген та­раптар бірте-бірте бұл тәжірибені еліміздің түпкір-түпкірінде іс жүзінде қолдана бастады. “Халық банкінің” терминалдарын кез келген жерден табуға болады. Тіпті алыс ауыл-аймақтардан да. Іргелі екі банктің әріптестігі үлкен қалалардың тұрғындарын ғана емес, ауыл-ауылдардың халқын да бір қуантты. Енді жұрт “Тұрғын үй құрылыс жинақ банкінен” алған несиенің жар­насын төлеуді, заемдар бойынша борышын өтеуді “Халық банкі­нің” терминалдарынан-ақ жүзеге асыра береді. Бұдан былай банк­тен заем алу үшін немесе тұрғын үй жинақтары туралы келісімге отыру үшін бума-бума құжаттар­ды қолтықтап, орталыққа шабыл­майсыз. Мұндай іс-шараларды “Халық банкінің” бөлімшеле­рін­де отырып-ақ тындыра бересіз. Құжаттарды рәсімдеу және қа­былдау да сол жерде атқа­рылады. “Халық банкі” мен “Тұрғын үй құрылыс жинақ банкі” ара­сындағы әріптестік өз жемісін беріп келеді. Өйткені “Халық банкі” банкоматтарының күні-түні қосулы тұратынын, респуб­лика аумағының барлық жерінде бар екенін және олардың мереке күндері де жұмыс істей беретінін ескерсек, бұған таңданудың реті жоқ. Халықшыл екі банктің бір­лескен жобасының екіншісі са­тысында “Халық банкінің” “Тұрғын үй құрылыс жинақ банкі” арнайы бағдарламасын енгізуі және пайдалануы болды. Бұл — тұрғын үй құрылыс жи­нағы келісім-шарттарын жасауға, оған өзгерістер енгізуге, әріптес банктердің бөлімшелерінен займ алу үшін құжаттар топтамасын құрылымдауға мүмкіндік береді. Алайда, бір нәрсені есте ұстаған жөн: займ беру мәселесін қарау және клиенттің төлемге қабі­лет­тілігін анықтау — “Тұрғын үй құрылыс жинақ банкі” АҚ-ның ықтиярындағы шаруа. “Халық банкінің” бөлімшелері арқылы жасалған келісім-шарттардың бәрі де жүйе басымдылығына ие бола алады. Айтпақшы, бұл әріптестіктің тиімділігін мынадан да көруге болады: екі банк әріптестікті жаңа бастаған тұста “Халық банкінің” сол кездегі басқарма төрағасы Григорий Марченко ұлының атына жинақ есеп­шо­тын ашқызған-ды. Сұхбатта­рының бірінде ол былай деген: “Жағдайға салқынқандылықпен баға берген жөн. Егер кіріс деңгейі тұрақты әрі жоғары болса, алғашқы жинағыңыз болса, онда ипотекалық несиеге иек артуға болар. Егер кіріс төмен болып, алғашқы жина­ғыңыз болмаса, онда “Тұрғын үй құрылыс жинақ банкіне” қарай аттың басын бұрыңыз”. Марченконың бұл сөзіне алып-қосарымыз жоқ. Ендігі таңдау — өзіңізде. Ақылға салы­ңыз, дұрыс қадам жасаңыз. Қосымша ақпаратты “Қазақстанның Тұрғын үй құрылыс жинақ банкі” АҚ-нан ала аласыздар: Алматы – 279-25-55, Қызылорда – 26-26-64, Көкшетау – 25-63-04, Талдықорған – 24-79-72, Тараз – 42-58-60, Шымкент – 21-33-62, Павлодар – 34-08-99, Өскемен – 47-54-72, Қарағанды – 43-62-52, Қостанай – 53-38-20, Орал – 54-36-36, Атырау – 32-04-00, Ақтау – 43-96-91, Астана – 40-72-77, 36-19-07, Ақтөбе – 55-71-66, Петропавл – 42-79-94, Семей – 52-22-90, немесе www.hcsbk.kz/ сайтында.