Жиырма мектептің құрылысы басталды

Осындай жаңа нысанның бірі мұнайлы шаһарға таяу орналасқан Бесікті аулында ашылды. Атырау об­лы­­сы әкімінің орынбасары Дарын Ша­мұ­ратовтың айтуынша, жа­ңа бал­абақшаға 280 бала қабыл­да­нады.

«Биыл осындай 6 нысанның құры­лысы аяқталды. Бұл бала­бақ­шада мектепке дейінгі тәрбие ала­тын балдырғанддар үшін бар­лық қолайлы жағдай жасалды. Өйт­ке­ні­ бүгінгі балдырғандарымызды елі­міздің жарқын болашағына адал қыз­мет ететін саналы ұрпақ ретінде тәрбие­леуіміз қажет», дейді Дарын Шамұратов.

Сыртқы келбеті ерекше безен­­­ді­рілген екі қабатты жаңа ғима­рат­­та гимнастика және музыка са­­бағын өткізуге арналған залдар бар. Нысан аумағында ойын және спорт алаң­дары, жол жүру ереже­ле­­­рін үйре­­туге арналған алаң жа­сал­­ған.

Атырау қалалық білім бөлі­­мінің басшысы Айнагүл Дүйсе­кенованың мәліметінше, қазір балабақшада 2 жастан 5 жасқа дейінгі балаларға арналған 4 топ ашылған. Әр топта 25 бала бар.

«Атырау қаласында жыл сайын балабақша кезегіне тұрғандар саны көбейіп келеді. Бұл мәселені жаңа­дан ашылған балабақшалар арқы­лы кезең-кезеңімен шешуді көздеп отырмыз», деді А.Дүйсекенова.

Ал облыстық білім басқар­ма­сы­ның мәліметіне сүйенсек, былтыр 6 орта мектеп іске қосыл­ды. Мем­ле­кет-жекеменшік әріп­тестігі аясында «Сарыарқа» және «Нұрсая» шағын ауданында 2 Binom мектеп-лицейі жұмысын бастады.

«Биыл мұнайлы шаһар ма­ңын­дағы Ақжар аулында 1 мектеп пай­далануға берілді. Ал «Жайлы мектеп» ұлттық жобасы аясында Сарыөзек пен Береке аулында зама­науи үлгідегі екі мектеп іске қосылды. Енді жыл соңына дейін Құлсары қаласынвң «Береке», ­облыс орталығындағы «Водниково» шағын ауданында салынып жатқан білім ордасын ашу жос­парланып отыр», деп ­хабарлады басқарманың баспасөз қызметі.

Қазір өңірде 20 мектептің құры­лысы қолға алынды. Оның ішінде Атырау қаласында салынып жатқан 11 нысан бар. Жылыой ауданында – 3 , Индерде – 3, Құрманғазыда – 2 және Исатай ауданында 1 білім орда­сы салыну үстінде. Сондай-ақ Исатай ауданындағы Аққыстау ауылында 250 орындық өнер мекте­бі­нің құрылысы аяқталуға таялды. Тағы 9 білім ордасының жобалық-смета­лық құжаты дайындалып жатыр.

Атырау облысы