Атырауда басқарма басшысы тағайындалды

АТЫРАУ. 2 ақпан. Атырау өңірінің басшысы Бақтықожа Ізмұхамбетовтің өкімімен облыстық ветеринария басқармасына басшы болып Абдрахманов Нұрбай Насихатұлы тағайындалды. Бұл туралы «Атырау» газеті хабарлады. Облыстық ветеринария басқармасының тізгінін ұстаған Нұрбай Абдрахмановтың жасы – 59-да. Бұрынғы Гурьев ауыл шаруашылығы техникумын веттехниг, Алматы зоотехникалық-мал дәрігерлік институтын мал дәрігері мамандығы бойынша бітірген. Еңбек жолын 1979 жылы веттехниг болып бастап, содан бері осы салада еңбек етіп келеді. Ал 1993 жылдан осы кезге дейін Ауыл шаруашылығы министрлігі ветеринариялық бақылау және қадағалау комитетінің Атырау облыстық аумақтық инспекциясында бас маман болып қызмет еткен. Айта кетейік, жуырда Атырау облысында ветеринария мәселелерімен айналысатын жаңа басқарма құрылған болатын. Мұндай басқарма еліміздің тек бірқатар аймақтарында ғана бар. Мұның өзін облыс басшылығының мал  шаруашылығын дамыту, соның ішінде, мал басын көбейтуге деген ұмтылысынан туған игі қадамы деп білген жөн. Жолдасбек Шөпеғұл. Дерек, сурет: «Атырау» газеті.