Фото: ТСМ Спортты дамыту дирекциясы
63 келіде шаршы алаңға шыққан бокстан Қазақстан әйелдер құрамасының мүшесі Аида Әбікеева Дильфуза Бекованы 4:1 есебімен жеңді.
Енді отандасымыз 7 желтоқсан күні жартылай финалда Таиланд өкілімен жұдырықтасады.
Сондай-ақ бүгін 66 келіде өнер көрсетуі тиіс болған ел боксшысы Милана Сафронова бірден жартылай финалға жолдама алды. Осы салмақта Таиланд боксшысының жекпе-жектен бас тартуына орай Милана Сафронова 7 желтоқсан күні Өзбекстан-Таиланд жұбының жеңімпазымен қолғап түйістіреді.
Бұған дейін 54 келіде әлем чемпионы Махмұд Сабырхан тайпейлік қарсыласын 1 раундта үш рет нокдаунға жіберіп, айқын жеңіске жеткенін хабарлаған едік.
