Жас қазақ кәсіпкерлері енді АҚШ-тың Нью-Йорк, Вашингтон, Сиэтл сияқты өзге де ірі қалаларында этно-кофехана ашуды жоспарлап отыр. Себебі тары қосылған кофе – америкалықтарға жаңа дүние. Оның ерекшелігі – тары қосылған соң кофенің әдеттегі ащы дәмі басылып, жұмсақ сусынға айналатындығында. Кофеханада шай, науат, құрт секілді өнімдер де ұсынылады.
Гитлердің жеңісі
XXI ғасырда Адольф Гитлер жеңген сайлау қайда өтті?
Намибия ұзақ уақыт бойы неміс отары болды. 2020 жылғы жергілікті сайлауда Ошана әкімшілік округінің бірінде Адольф Гитлер Унона есімді билеуші партияның кандидаты ретінде жеңіске жетті. Депутат оның әкесі Гитлердің тарихтағы нақты рөлін түсінбегенін әрі өзі ешкімді жаулап алмайтынын айтып ақталған еді. «Атымның саяси рөліме еш қатысы жоқ. Бұл үлкендердің қателігі. Мен ізгілікті қолдаймын» деген екен жаңа заманның басқаша Гитлері.
Қолтырауын қаңқасы
Палеонтологтер Перудың Окукахе шөлінен 10 миллион жыл бұрын өмір сүрген қолтырауын сүйектерін тапты.
Ғалымдардың болжамынша, «Пискогавиалис» атты бұл жануар Оңтүстік Америкада шамамен 12 миллион жыл бұрын өмір сүрген. Ұзындығы шамамен 3 метр. Суда мекендеген. Ғалымдар оны тек балықпен қоректенген деп отыр. Экспонат келер айда Перудің геологиялық тау-кен-металлургиялық институтында көрсетіледі.
