Фото: primeminister.kz
Президент «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауында еліміздің өнеркәсіптік әлеуетін ашуға жүйелі күш салу қажеттігін баса айтып, терең өңдеу тәсілін меңгеруге басымдық берілген 17 ірі жобаның тізімін атап өткен болатын.
Бұл жобалар экономиканы әртараптандыру және өңдеу өнеркәсібінің бәсекеге қабілеттілігін ынталандыру бағдарламасы шеңберінде іріктелген. Олар металлургия, химия, мұнай-химия, автокөлік, туризм, ауыл шаруашылығы және тамақ өнеркәсібі сияқты негізгі салаларды қамтымақ.
Үкіметтің хабарлауынша, жобалар тізімі негізгі мына критерийлер бойынша таңдалған:
- өнімді қайта бөлудің орташа және жоғары деңгейі;
- экспортқа және импортты алмастыруға бағдарлану;
- өндірілетін өнімге нарықтық сұраныс;
- ел немесе аймақ экономикасы үшін стратегиялық маңыздылығы – мультипликативті әсер.
Бұл жобаларға шамамен 15 трлн теңге инвестиция тартылып, 25 мыңнан астам жұмыс орны ашылады. Эколонмикалық жобалар сәтті жүзеге асса, экспорт көлемі 6 трлн теңгеге арттырып, импортқа тәуелділікті 1,5 трлн теңгеге дейін төмендеу жоспарланып отыр.
