ӘСКЕРИ ЖАТТЫҒУ ӨТТІ

Сәрсенбі күні Астана маңын­да­ғы №68665 әскери бөлім базасында С.Сейфуллин атындағы Қазақ мем­лекеттік агротехникалық универ­си­теті әскери кафедрасы студентте­рінің роталық-тактикалық жаттығу­лары өтті. Болашақ офицерлер мен кіші офицерлердің (сержант) әске­ри жаттығуларына Қорғаныс ми­нис­трінің орынбасары, генерал-майор Нұрлан Жоламанов келіп, арнайы баға берді. – Бүгінгі әскери дайындық өте жақсы деп айтуға болады. Студент­тердің шын көңілмен жаттығуға кі­ріскендері мені қатты қуантып отыр. Отан қорғау ер жігіттің  бас­ты аза­мат­тық парызы десек, атал­ған оқу-жат­тығу жиыны елін, жерін шын жү­рекпен сүйетін ел қор­ған­дарының өсіп келе жатқандығын тағы бір қы­рынан көрсетті. Біз осыған қуанамыз, – деді Қорғаныс вице-министрі. Биыл елімізде 22 жоғары оқу ор­ны жанындағы әскери кафедра сту­денттерінің оқу жиындарын өт­кізу жос­парланған. Ол үшін арнайы уақыт бө­лініп, оған 4000-нан астам адам тар­тылған. Аталған жиын­дарда сту­дент­тер кафедрада алған теориялық бі­лімдерін тәжірибе жүзінде пысық­тайды. Жиын бары­сында студент­тер­ге білікті әске­ри тәжірибелік тәлімдер берілмек. Әбдірахман ҚЫДЫРБЕК, АСТАНА.