Фото: Қазақстан бокс федерациясы
Финал алдында ерлер және әйелдер арасында 2 жұптың жекпе-жегі өтпейтіні белгілі болды.
Ерлер арасында 67 келіде Түркістан облысы атынан сынға түскен Төрехан Сабырхан Қазақстан чемпионы атанды. Төреханмен финалда жұдырықтасуы тиіс болған Маңғыстау облысының боксшысы Санатәлі Төлтаев жарақатына байланысты шаршы алаңға шықпайтынын айтты.
Әйелдер құрамасы сапынан Париж Олимпиадасының қола жүлдегері Назым Қызайбай 48 келіде Қазақстанның нөмірі бірінші боксшысы болып қала бермек. Назыммен финалда қолғап түйістіруі керек болған Қызылорда облысының спортшысы Ақбота Болат жарақатына байланысты жекпе-жекке шықпайды.
