Фото:pexels
Экспорттаушы солтүстікқазақстандық EMC Agro компаниясы болды. Кәсіпорын үшін бұл шетелдік кәсіпкерлермен ынтымақтастықтың алғашқы тәжірибесі, өйткені бүгінгі күнге дейін ЖШС өнімі тек Қазақстанда ғана сатылып келген.
«Грузияға шошқа етін экспорттау жөнінде де келіссөздер жүргіздік. Сондай күндердің бірінде алғашқы 20 тонна ет те осы елге жөнелтіледі. Мұны Қазақстан үшін үлкен оқиға деп атауға болады, өйткені бұл нарық біз үшін енді ғана ашылып жатыр. Армения мен Грузия бізден ай сайын 400 тоннаға дейін ет сатып алуға дайын екендіктерін білдірді. Айтпақшы, біздің компания ай сайын 700-800 тонна шошқа етін ел ішінде өткізеді. Яғни, осы екі саламен ұзақ мерзімді перспективада ынтымақтасатын болсақ, өнімнің 50 пайызы шетелге кетеді», деп атап өтті компания.
Жалпы, әлемдегі шошқа етін ең көп тұтынушы Қытаймен ынтымақтастық қарастырылады. Биылғы жазда Қытай ет қауымдастығының өкілдері компанияның өндірістік кешенін аралады. Өндірісті тексерген қауымдастық жылына 20 мың тонна шошқа етін импорттауға қызығушылық танытты.
